د لوی، مهربان او بخښونکي خدای په نامه

د تړیوال جام د غوراوي په موخه دکرکټ د ځوانانو لوبډله کويټ ته لاړه

د افغانستان کرکټ بورډ 20.04.2009 16:24

د افغانستان کرکټ بورډ 

کابل د وري (حمل )٣١مه،

 

د افغانستان دکرکټ د ځوانانو لوبډله ( له ١٩ کالو څخه کم عمره لوبغاړي) نن د حمل په ٣١مه، د غرمې په يوه بجه له کابل څخه د کويټ په لوري روان شول .

د ځوانانو ملي لوبډله به په کويټ کې د ځوانانو د کرکټ د نړيوال جام د غوراوي  په سياليو کې ګډون کوي .

په دې سياليو کې د کوربه هېواد کويټ په ګډون د لسو هېوادونو لوبـډلې ګډون کوي چې په دوو ګروپونو وېشل شوي دي .

په الف ګروپ کې نيپال، ماليزيا، سينګاپور، هانګ کانګ او سعودي عربستان  او  په (ب) ګروپ کې  کويټ،  افغانستان ، قطر، متحده عرب امارات، عمان  او د بوټان لوبـډلې شاملې دي .

د کويټ سيالۍ د ثور په دويمه (د اپريل ٢٢مه) پيل او د ثور په ١١مه ( دمى په لومړۍ نېټه) پاى ته رسېږي .