د سويلي افريقا د کرکټ په سیالۍ کې د نن ورځې د لوبو رپوټ او د نمرو جدول

روپوټ: الهام ياسيني

B ګروپ:

۱. افغانستان - ډنمارک: افغانستان پچه وګټله او فيلډ کول یې غوره کړل. ډنمارک د ۹ لوبغاړو په سوځېدو په ۵۰ اورونو کې ۲۰۴ منډې جوړې او افغانستان ته یې د ۲۰۵ منډو هدف وټاکه. افغانستان په ۴۶.۲ اورونو کې د ۵ لوبغاړو په سوځېدو ۲۰۵ منډې جوړې کړې او ډنمارک ته یې ماتې ورکړه.  د افغانستان له خوا محمد شهزاد ۴۴، محمد نبي ۴۷، او کریم صادق ۳۹ منډې جوړې کړې. همدار راز کریم صادق ۴، محمد نبي ۲، حمید حسن ۱، او هستي ګل ۱ ویکټه واخيسته.

کریم صادق د لوبې غوره لوبغاړی شو.

د افغانستان او ډنمارک د لوبې مخامخ حال

په دې سیالۍ کې د دې لوبې ګټل افغانستان ته خورا مهم و. هم د مورال په لحاظ او د نورو لوبو د سخت والي په لحاظ.

۲. عربي متحده امارات - برمودا: برمودا پچه وګټله او بيټنګ کول یې غوره کړل. ټول لوبغاړي یې په ۴۷ کې وسوځېدل او ۱۸۷ منډې یې جوړې کړې. اماراتو د ۱۸۸ هدف پوره کول پیل کړل او په ۴۸  اورونو کې یې د ۶ کسانو په سوځېدو پوره کړ. اماراتو په ۴ ویکټو وګټله.

۳. کينيا - هالينډ: کينيا پچه وګټله او بيټنګ یې غوره کړ. د ۸ لوبغاړو په سوځېدو یې په ۵۰ اورونو کې ۲۴۷ منډې وکړې او هالينډ ته یې د ۲۴۸ منډو هدف وټاکه. هالينډ په ۴۷م اور کې د ۳ لوبغاړو په سوځېدو ټاکلی هدف پوره کړ او په ۷ ویکټو یې کينيا ته ماتې ورکړه.

A ګروپ:

۱. ایرلينډ - سکاټلينډ: ايرلينډ پچه وګټله او فيلډ کول یې غوره کړل. سکاټلينډ په ۵۰ اورونو کې د ۷ کسانو په سوځېدو ۲۳۲ منډې جوړې کړې او ايرلينډ ته یې د ۲۳۳ منډو هدف وټاکه. ايرلينډ په ۳۸م اور کې د ۳ لوبغاړو په سوځېدو هدف پوره کړه او سکاټلينډ ته یې ماتې ورکړه.

په لوبه کې د ایرلينډ کپتان فورټلفيد چې د لوبې غوره لوبغاړی هم شو (په انځور کې) او د سکاټلینډ نيل ماکلم سينچريانې یانې له سلو ډېرې منډې جوړې کړې.

۲. کاناډا - عمان: عمان پچه وګټله او فيلډ کول یې غوره کړل. کاناډا ۵۰ اورونو کې د ټولو لوبغاړو په سوځېدو ۲۴۷ منډې وکړې او عمان ته یې د ۲۴۸ منډو هدف وټاکه. عمان ونشو کړای ټاکلی هدف پوره کړي او په ۴۰ اورونو کې یې د ټولو لوبغاړو په سوځېدو ۱۴۴ منډې وکړې. کاناډا په ۱۰۳ منډو وګټله.

۳. ناميبيا - يوګانډا: ناميبيا پچه وګټله او فيلډ کول یې غوره کړل. یوګانډا په ۵۰ اورونو کې د ۷ کسانو په سوځېدو ۲۳۴ منډې وکړې او ناميبيا ته یې د ۲۳۵ منډو هدف وټاکه. ناميبيا په ۵۰ اورونو کې د ۹ کسانو په سوځېدو ټاکل هدف پوره نه کړ او ۲۲۸ منډې یې جوړې کړې. یوګانډا په ۶ منډو وګټله.

سبا ته د لوبو مهال ویش په دې ډول وي:

د اپرېل ۲:

د لوبو د نمرو جدول تر اوسه په دې ډول دی:

‌B ګروپ

  A ګروپ