د لوی، مهربان او بخښونکي خدای په نامه

د فتنو بازار

حفیظ الله خالد 16.10.2008 21:19

                                         
د فـتنوپــه تــود بـــازارکی             هــربـــدل تیــږه غمی دی

د درواغـــو یــارانــی کی              مینـی هـریـو لیـــونـی دی

هـرګیدړدلتـه زمـــری دی              هـرقاتل نــن میــړنـی دی

د شپی ږدي درته دامونه                ورځ کی تا نه سپیلنی دی

دلته  پـاو چـاره کی نســته              هـریــو ځانته یومنــی دی

ځانځاني یو بد مرض دی               چی نیولی زوړ ځلمی دی

پـوه ناپـوه توپیراوس تلی                چی پیسی لري سـړی دی

لافی هریـو دخدمت کړي               که مو خپل او یا پردی دی

مالوم نــدی دی بازار کی               کوم یوغل کوم کاروانی دی

هریوخپل آس باندی سپوردی          ولس خوار په نـس وږی دی

خواخـوږی لـه منــځه تلی              نه دی خوارولاس نیوی دی

نه دی وږي د نس غم شته             نه یتیم ســره  زړه سوی دی

 هر یو  څاه کنی و بل تـــه                 ورور  وژنــــــه  یو بـــری دی

د فتــنو دوکو لـه  لا ســــه              د خالد تل خوړین  زړګی دی

حفیظ الله خالد / ویانا /  ۱۳/۱۰/۲۰۰۸