د لوی، مهربان او بخښونکي خدای په نامه

په هسکه مينه کې دچنګاښ د(١٦) پيښې قربانيانو ته

ازمون 13.07.2008 11:30

د ليکوال څو نورې لیکنې

ټول
دسپين غره څيړۍ فرش کړي نن ليمه دي—دلنډيو بدرګې په کې په تله دي
په کې راغله يوه ورا دکليوالو—دسندرو جوړ سبا دکليوالو
سندريزې چينې تاندې شوې بهيږي—جوړ پرسپينو ليچو وړاندې شوې بهيږي
دشينشوبوبوټوښکل يې کړل پلونه—دوږمې يې ويښوي ستړي هډونه
لارې څاري دسندرو سندرمارې—دلنډيو بدرګه وړي دخومارو
چې دا يو سروکى ګډ کړي په چمبه کې—دنيا بل مخې چپه ګړي درنګ شيبه کې
کليوالې اتڼ واچوي په ورا کې—دڅيړيوشورراواخلي په نڅا کې
يوه مسته چغه وکړي له هر لورې—ناوې پل دې بختور شه په موږ پورې
ناوې پټه په ګاڼه کې وي ژړيږي—له تقديره لکه مخکې چې خبريږي
درنګ شيبه کې په اسمان کې کرکه راشي—دسندرو ملا کې غبرګه څړيکه راشي
کليوالې وايي(بنګنه) دلته څه کړي—داسې نه چې ننداره مو پردي وکړي
مخ راونفاړي له شرمه په پرده کې—خو تقدير ته ګوره څه کړي دې شيبه کې
دڅيړيو ډډته پټې له حيا شي—زوې له مور او مور له زويه راجلاشي
خو بنګنه په هواکې جل وهلې—تنده ماته کړي ددوې په وينو غلې
دسندرو پرچمبه ټکه پريباسي—يوه سره داور لمبه ټکه پريباسي
درنګ شيبه کې سره هرڅه لولپه شي—دڅيړيو شنه جامه په وينو سره شي
نه دناوې په سر شال نه يې ګاڼه وي—ترينه تاوه دبنګنې اورلمبه وي
دچکچکو هغه سپين لاسونه ورک شي—په څيړيو کې ديو بل لاشونه ورک شي
نه ها ستونې وي چې ووايې بيا نورې—ناوې پل دې بختور شه پرموږ پورې
ترکمرونو لاندې څه ځګيروي راخيژي—پاس په څانګوکې مړوندوينم نڅيږي
دسپين غره څيړۍ پرملا وي غبرګه ماته—خو لاس نه نيسي له شرموحيا چاته
کليوال نغاره وغږوي راشۍ—په دې هيله که دګل پاڼې پيدا شي
ترمې ترمې پاڼې څه چې راپيدا کړي—سمدستي يې بس تر کاڼو لاندې بيا کړي
دې ته نه ګوري له کوم سره يې پيوند کړي—نه په دې وخت کې پردغه باب دوې اند کړي
څو قبرونه لاهغسې لارې څاري—ورک هډونه پښې غږ دبارې څاري
دورا ناوې شال ريښې ريښې دىتللى—زمانې وي دتوپان لاس کې ورکړى
زوې له موره له هيبته نه بيليږي—په يوه قبر کې دواړه ښکته لويږي
دسپين غره څيړۍ اغوستې سره جامه ده –ته به وايې پرمزار هسکه جنډه ده
پرشنو څانګو يې ريښې دسالو ښکاري—دشهيدې ناوې سره سره باړخوښکاري
غوڅ مړوند ورکړلو چاورته سوغات کې—دبنګړو فاتحه اخلي يې جومات کې
بيا دکوم دور يزيد سرپورته کړى—په بنګنه(الوتکه)يې مخ قتل لور ته کړى
يوويشتمې پيړۍ دا رنګه دوستي ده—ددې دوربس همدا زيمامداري ده
له هواوايي په هرڅه دوې خبريږي—په دې پوه شۍ چې په هيڅ هم نه پوهيږي
يا پوهيږي ددوې دغه رنګ دوستي ده—ددوستۍ په نوم يې دغه رنګ مستي  ده
وخت راځي به دغه وينې به رنګ راوړي—ددوې کورته به همدغسې جنګ راوړي
دنړۍ نقشه کې ورک به يې دا کور وي—جوړ زما داسويلو به په کې شور وي