افغانستان: په نشه روږدي ۶۵٪ درملل شوي بېرته نشې ته مخه کوي

د افغانستان د عامې روغتیا په دې هېواد کې په نشه يي توکو د روږدو کسانو ډېرېدل یوه "خاموشه څونامي" بولي، چې په وینا یې، په سلو کې ۶۵ سلنه په نشه روږدي درملل شوي بېرته نشه يي توکو ته مخه کوي. دغه وزارت وايي، دا مهال په دې هېواد کې څه باندې څلوېښت زره په نشه روږدي کسان په شاوخوا ۱۰۰ مرکزونو کې درملل کېږي.

پاکستان: د ثبت شویو افغان کډوالو اوسېدو موده تر یوه کاله وغځول شوه

پاکستان حکومت په دغه هېواد کې د ثبت شویو افغان کډوالو اوسېدو موده تر یوه کال پورې غځولې ده. له دې مخکې په دغه هېواد کې د مېشت افغان کډوالو د اوسېدو موده د روانې جون میاشتې پر ۳۰ نېټه پای ته رسېده. پاکستان حکومت دغه اعلان اسلام اباد ته د افغان ولسمشر محمد اشرف غني له سفر یوه ورځ وروسته کړی.

دوحه کې د افغان سولې د خبرو اووم پړاو پیل شو

د قطر په دوحه کې د طالبانو او امريکايي پلاوي ترمنځ د سولې د خبرو اووم پړاو پیل شو. د تېرو پړاونو خبرې تر ډېره له افغانستانه د امریکايي ځواکونو پر وتلو او د ترهګرۍ په موخه د نورو پرضد د افغان خاورې د نه کارونې پر مسئلو ور ټولې وې.

"افغانستان کې یو نیم میلیون جریبه دولتي ځمکه غصب شوې"

د افغانستان د ښارجوړنې وزارت وایي د ټول هېواد په کچه څه باندې یونیم میلیون جریبه دولتي ځمکه غصب شوې ده. وزارت وويل، له غاصبينو د ځمکو د بېرته ترلاسه کولو هڅې یې پیل کړي او په همدې موخه یې د نژدې شل زره غاصبينو نوملړ چمتو او عدلي او قضایي ادارو ته سپارلی دی.

ګلبدین نایب: راشد خان به د پاکستان پر وړاندې خپله وړتیا ښکاره کړي

ګلبدین مني چې د نړیوال جام په سیالیو کې تر اوسه راشد ډېر ښه نه دی ځلیدلی، خو په وینا یې راشد په زړه پورې هڅه کړې او ''که بخت یاري ورسره وکړي، د هرې لوبډلې لپاره به ګرانه وي، چې پر وړاندې یې کامیاب شي.

غني: پاکستان ته د مشورتي لویې جرګې په غوښتنه راغلی یم

د جمعې پر ورځ اسلام اباد کې له افغان کډوالو، محصلینو، ښځو او سوداګرو سره په خپله لیدنه کې افغان ولسمشر محمد اشرف غني‌ وویل،‌ له تېرو دوه کلونو راهیسې دی چمتو نه و چې پاکستان ته سفر وکړي، خو دا چې د سولې مشورتي لویې جرګې ترېنه غوښتنه وکړه نو دې سفر ته چمتو شو.‌

غني په اسلام اباد کې: طالبان او پاکستان پر یو بل تکیه کوي

افغان ولسمشر محمد اشرف غني‌ ویلي، په افغانستان کې د سولې لپاره د پاکستان ښه نیت او مثبت رول خورا مهم دی،‌ ځکه چې، د ده په وینا طالبان او پاکستان پر یو بل ټینګه تکیه کوي. ولسمشر غني دا څرګندونې تېر ماښام پاکستان ته د خپل دوه ورځني رسمي سفر په ترڅ کې د اسلام اباد د ستراتیژیکو مطالعاتو مرکز کې په یوه ناسته کې وکړې.

طالبانو ته د ناټو مشوره؛ پر جګړه ټینګار مه کوئ

د ناټو تړون غړو هېوادونو په سیاسي لارو د افغان کړکېچ د هواري له پاره د امریکا د هڅو ملاتړ وکړ. سرمنشي ینس سټولټنبرګ د ناټو د وزیرانو غونډې ته وویل طالبان باید پر جګړه ټینګار ونکړي، ځکه چې ګټلی یې نشي. نوموړي د افغان سولې لپاره د امریکا د هڅو ملاتړ هم وکړ

کرېکټ نړیوال جام: افتاب عالم له افغان لوبډلې بهر شو

د افغان کرېکټ ملي لوبډلې تېز توپ اچوونکی افتاب عالم د نړیوال جام سیالیو لپاره له افغان لوبډلې ایستل شوی دی. د ده پر ځای به احتیاطي لوبغاړی سید شېرزاد په افغان لوبډله کې اخیستل کېږي. د کرېکټ نړیوالې شورا له افغان لوبډلې د افتاب عالم د ایستل کېدو ښکاره لامل نه دی ویلی

ولسمشر غني پاکستان کې له ځینو چارواکو سره پر یولړ موضوعاتو غږېږي

افغان ولسمشر محمد اشرف غني شاوخوا څلور نیم کاله وروسته نن په دوه ورځني سفر پاکستان ته رسېدلی او ددغه هېواد د بهرنیو چارو له وزیر شاه محمود قریشي سره یې کتلي دي. دا پاکستان ته د ولسمشر غني درېیم رسمي سفر دی او په داسې حال کې ترسره کېږي چې لا هم د دواړو هېوادونو خپلمنخي اړیکې بې خونده دي. ولسمشر غني به دې سفر کې له لوړي وزیر عمران خان او نور چارواکو سره ګوري.

کابل پولیس: د سمبال شویو غدیو یو مهم مشر نیول شوی

د افغانستان کورنیو چارو وزارت په کابل کې د یوه وسله وال د نیولو خبر ورکړی چې په وینا یې 'ډېرو خطرناکو جنایتکارانو' کې بلل شوی دی. دغه کس عابد نومېږي چې چې په ټولنه کې یې نوم 'بیني' دی. د چارواکو په وینا دا په دوو ورځو کې د سمبال شویو غدیو دویم مهم مشر دی چې د نیولو خبر یې ورکول کېږي.

ولسي جرګه یو ځل بیا د رئیس په ټاکلو کې پاتې راغله

د افغانستان د ولسي جرګې د مشر څوکۍ ته د چارشنبې پر ورځ درېیم پړاو ټاکنې هم بې پایلې پای ته ورسېدې. نن څلورو وکیلانو ځانونه دې څوکۍ ته نوماند کړي وو چې یوه یې هم د حاضر مجلس پنځوس جمع یو رایه ترلاسه نه کړه. یادې ټاکنې له پیل راهیسې ناندریزې شوې دي

'د افغان حکومت له ګډون پرته جوړې شوې غونډې سوله نشي راوستی'

په پاکستان کې د افغانستان لوی سفیر شکرالله عاطف مشعل له بي بي سي سره ځانګړې مرکه ویلي، د افغان حکومت له همغږۍ پرته - افغان سولې بهیر لپاره جوړې شوې غونډې دې بهیر ته هیڅ ګټې نشي رسولی. د ښاغلي مشعل په خبره د مسکو د بین الافغاني غونډه ددې یوه ښه بېلګه ده، چې دده په خبره ناکامه غونډه وه.

جلال آباد: د پاکستان کونسلګرۍ مخې ته ويزه اخیستونکی د بېروبار او ګرمۍ له امله ومړ

نن د پاکستان کونسلګرۍ مخې ته یو ويزه اخېستونکی د بېروبار او ګرمۍ له امله ساه ورکړه. په دې ولايت کې د پاکستان کونسلګرۍ هره ورځ سلګونه ويزې ويشي، خو د ويزې غوښتونکو شمېر له زرګونو اوړي.

کرېکټ نړیوال جام؛ بنګله دېش افغانستان ته د ۲۶۳ منډو هدف وټاکه

د کرېکټ نړیوال جام په سیالیو کې افغانستان نن (چنګاښ ۳) خپله اوومه لوبه له بنګله دیش سره کوي. پچه افغانستان وګټله او بنګله دیش ته یې د توپ وهنې بلنه ورکړه. افغان لوبډلې له دې وړاندې خپلې شپږ لوبې بایللې دي، خو په تېرو دوو لوبو کې افغانستان د انګلستان او هند پروړاندې بهتره لوبه کړې ده.