پر واټس اپ د اسرائیلو څارګر برید کشف شو

فېسبوک ومنله چې د واټس اپ پر کاريال يې یوه کمزوري د دې لامل شوې چې بريدګر پر دغه شبکه څارګرې نرموزلې یا سافټوېر نصب کړي او د کارنو ټېلیفونونو ته لاسرسی ومومي. فېسبوک له خپلو کارنو دا هم وغوښتي چې د واټس اپ تازه بڼه دې پر خپلو وسیلو نصب کړي.

جلال اباد کې د روژه ماتي پر وخت چاودنو مرګ ژوبله اړولې

د افغانستان ختيځ ښار جلال اباد تالاشۍ څلور لاري ته څېرمه روژه ماتي مهال شل باندې اووه بجې پرلپسې ۴ چاودنو ۴ولسي خلک وژلي او ۲۰ نور يې ژوبل کړي دي. اوس سيمه کلابنده ده او چارواکو تر اوسه د چاودنو په اړه نور جزئیات نه دي ورکړي او نه هم کومې ډلې مسئولیت منلی

ولسي جرګه: د کابل وکیلانو د نومونو تر اعلان وروسته غونډې کوو

د افغانستان ولسې جرګې غونډې د کابل د وروستیو پایلو تر اعلانېدو پورې وځنډول شوې. له دې سره هممهاله د افغانستان ټاکنو خپلواک کمیسیون وايي ډېر ژر به د کابل وروستۍ پایلې اعلان کړي.

پاکستان: د پیسو نړیوال صندوق ۶ میلیارد ډالر پور را کوي

د پاکستان د مالیې وزیر او د لومړي وزیر د مالي چارو سلاکار ډاکټر عبدالحفیظ شیخ وايي، نړیوالې مالي ادارې یا ای اېم اېف دغه هېواد ته د شپږ میلیارد ډالرو پور منظور کړی دی. نوموړی هیله من دی، چې نړیوال بانک او د اسیا پرمختیايي بانک هم په لږ سود له دوو تر دریو میلیارد ډالرو پور ور کړي.

کرېکټ: ممبی انډینز د هند غوره ليګ اتلان شول

ممبی انډينز لوبډلې د هند غوره ليګ سياليو پايلوبه کې چنای سوپر کېنګز ته په يوه منډه ماته ورکړه او د دغو سياليو اتلولي يې وګټله. دا څلورم ځل دی چې ممبی انډينز اتلولۍ ګټي. د سږ کال ای پي اېل سياليو کې درې افغان لوبغاړو هم برخه لرله.

روحاني: ایران د بندیزونو له کبله تر بېساري فشار لاندې دی

د ایران ولسمشر حسن روحاني وایي، هېواد یې د نړیوالو بندیزونو له کبله تر بېساري فشار لاندې دی. ښاغلي روحاني ویلي، د امریکا نویو بندیزونو په ایران کې اقتصادي وضعیت له عراق سره د اتیایمې لسیزې د جګړې تر کلونو هم بدتره کړی دی. نوموړي په کور د ننه د یووالي غوښتنه کړې

ګېټس: د امریکا تر وتلو وروسته باید د سولې لار نقشه جوړه شي

د امريکا دفاع پخواني وزير رابرټ گېټس خبردارى ورکړى، که امريکايي ځواکونه له افغانستانه ووځي، نو احتمال شته چې طالبان دې په دې هېواد کې واک ولکه کړي. دی وايي، د امریکایانو له وتلو مخکې باید د امريکا په منځگړتوب د طالبانو او افغان دولت ترمنځ د سولې يوه لارنقشه جوړه شي.

پاکستان: وسله والو بلوچستان کې پر یوه هوټل برید کړی

رپوټونو کې ویل شوي، وسله والو د پاکستان په بلوچستان کې پر پرل کانټیننټل هوټل برید کړی دی. ویل کېږي، دریو وسله والو د بلوچستان په ساحلي ګوادر ښار کې پر دغه هوټل برید کړی او له لومړي پوړه ډزې کوي.

معترضو کاندیدانو د ولسي جرګې لومړۍ غونډې مخه ونیوه

کابل کې د یو شمېر معترضو کاندیدانو مظاهره د دې سبب شوه چې د ولسي جرګې لومړۍ رسمي غونډه تر سره نه شي. د مظاهرې ډېر ګډونوال ولسي جرګې ته په لومړنیو پایلو کې بریالي اعلان شوي کاندیدان او د دوی پلویان وو.

د افغان ځواکونو د بودیجې یوه برخه د ټرمپ پر دېوال لګېږي

د امریکا د دفاع وزارت سرپرست د دغه هېواد او مکسیکو ترمنځ د سرحدي دېوال جوړولو لپاره د دې وزارت د بودیجې ۱،۵ میلیارد ډالر لېږدول تصویب کړل. یو امریکايي چارواکی وايي، د دې دېوال لپاره د دفاع وزارت اوسني رقم کې ۶۰۴ میلیون ډالر داسې پیسې دي چې د افغان ځواکونو لپاره ځانګړې شوې وې.

کابل: عیدګاه جومات له بیارغاونې وروسته رسماً پرانیستل شو

د کابل تاریخي عیدګاه جومات چې د جګړو او د پل محمود خان سیمې خونړي ځانمرګي برید له کبله زیان ورته رسېدلی و، له بیارغونې وروسته نن 'جمعه مې لسمه' د افغان ولسمشر محمد اشرف غني پرانیست.

مسلمیار: له طالبانو سره خبرو ته د مرکچي ټیم لومړنی نوملړ چمتو شوی

د افغانستان مشرانو جرګې مشر بي بي سي ته وویل، د دغه نوملړ لومړۍ بڼه یې چمتو کړې او ښايي په را روانه اونۍ کې وروستی شي. افغان حکومت کابو مياشت وړاندې له طالبانو سره د پخلاينې عالي شورا په نامه داسې جوړښت رامنځته کړی و چې د سولې هڅې وڅاري او سرپرستي يې وکړي.

زلمی خلیلزاد: خبرو کې ډېر او چټک پرمختګ ته اړتيا لرو

د افغان سولې لپاره د امريکا استازى زلمى خليلزاد له طالبانو سره د خبرو په وروستي پړاو کې د پرمختگ خبره کوي خو وايي د افغان جگړې ختمولو لپاره د يوه چوکاټ رامنځته کولو په لور گامونه ورو وو. ښاغلي خليلزاد دوحه کې د طالبانو له استازو سره د سولې خبرو د شپږم پړاو له ختمېدا وروسته يوه پيغام کې ليکلي چې د طرحې پر عملي جزيياتو کار کېږي.

دوحه کې د طالبانو او امریکایانو د خبرو شپږم پړاو پای ته ورسېد

په قطر کې د وسله والو طالبانو د سیاسي دفتر ویاند سهیل شاهین وایي، په دوحه کې د دې ډلې او د امریکایي پلاوي ترمنځ د روانو خبرو شپږم پړاو نن پنجشنبه پای ته ورسېد. نوموړي لیکلي دي، اوس به دواړو لوري له خپلو مشرانو سره په دې برخه کې سلا مشوره کوي.

اتومي تړون؛ اروپایي ټولنې د ایران ګوت څنډنه رد کړه

اروپایي هېوادونه وایي، دوی له ایران سره د ۲۰۱۵ کال اتومي تړون ته اوس هم ژمن دي، او د لغوه کولو په اړه یې د ا یران ګوټ څنډنه ردوي. تهران پرون چارشنبه ویلي وو، د امریکایي بندیزونو په غبرګون کې به دوی د ۲۰۱۵ کال د اتومي تړون له دوو ژمنو لاس پر سر کېږي.