د ترکمنستان د ولسمشر زوی د پارلمان غړیتوب ترلاسه کړ

د ترکمنستان د ولسمشر یوازني زوی د دې هېواد د پارلمان غړیتوب تر لاسه کړ.

د ترکمنستان دولتي رسنیو پرون راپور ورکړ چې سرادر بردي محمدوف د دې هېواد د پارلمان د حقوقي کمېټې مشرتوب پر غاړه اخیستی.

نوموړي تر دې مخکې د ترکمنستان د بهرنیو چارو وزارت د اطلاعاتو د رئیس په توګه کار کاوه.

د سردار بردي محمدوف پلار، قربان قلي بردي محمدوف د ۲۰۰۶ میلادي کال راهېسې د ترکمنستان ولسمشر دی.

نوموړي د سفر مراد نیازوف له مړینې وروسته واک ترلاسه کړ.