د افغانستان کرنې وزیر وايي د نویو ځنګلونو جوړونې ته به په یوه اوږد مهاله پروژه کې ملا تړي او هغه وهل شوي سپېره ځنګلونه به بیا زرغونوي چې په تېرو څو کلونو کې وهل شوي دي.

خوست د افغانستان له هغو ولايتونو دی چې پراخې ځنګليزې سيمې لري. کلونه موده د ډېورېنډ سره نژدې سيمو کې ځنګلونه وهل کېږي، افغان حکومت يې هم په وار وار د مخنيوي ټټر وهلی، خو د بي بي سي سید عبدالله نظامي چې خوست ته ورغلی وايي، لا هم دځنګلونو پر وهلو زړه سوی نشته. دا يې د خوست په اړه ځانګړو راپورونو لړۍ کې درېيم راپور دی.