شاته

ټرمپ د خپل شخصي وکیل دفاع وکړه

د امریکا د متحدو ایالاتو ولسمشر دونالد ټرمپ پرون شنبه پر ټوېټر د خپل شخصي وکیل، رودولف جیلیاني دفاع وکړه.

تر دې مخکې په راپورونو کې ویل شوي ول چې رودولف جیلیاني په اوکراین کې د خپلو هغو کارونو په اړه، چې ویلي يې دي د ولسمشر ټرمپ په استازیتوب یې کړي، تر فدرالي تحقیقاتو لاندې دی.

نیویارک ټایمز په یوه راپور کې ویلي چې په نیویارک کې فدرال څېړونکي په دې اړه تحقیق کوي چې جیلیاني له اوکراین سره په معاملو کې د لابي کولو قوانین ترپښو لاندي کړي دي که یه.

د راپورونو پر اساس، په دې کې د امریکا د پخواني مرستیال ولسمشر، جوبایدن په اړه د داسې معلوماتو د راغونډولو هڅې هم شاملېږي چې بایدن ته تاوان رسولائ او له اوکراینه د امریکا د سفیر د ایستلو لاره برابرولائ شي.

جوبایدن ښايي په ۲۰۲۰ میلادي کال کې د امریکا د جمهوري ریاست په ټاکنو کې له ډیموکرات ګونده د ولسمشر ټرمپ په وړاندې ودرېږي.

خو ولسمشر ترمپ پرون پر ټوېټر ولیکل: اوس هغوی په یوه داسې چا پسې شوي چې له جرمونو سره یې افسانوي مبارزه کړې او د نیویارک په تاریخ کې تر ټولو فوق العاده ښاروال پاتې شوی، رودي جیلیاني.

ټرمپ لیکلي چې جیلیاني یو فوق العاعده ښه انسان او وکیل دی.