شپږیزه: د مس عینک اتلانو، بند امیر ښاماران په ۹ منډو مات کړل
د شپږیزې لیګ په څلورمې لوبې کې نن چهارشنبه د مس عینک اتلانو د بند امیر ښامارانو لوبډلې ته په ۹ منډو ماتې ورکړه.
دا په شپږیزې کې د مس عینک دویمه بریا او د بند امیر دویمه بایلودلې لوبه ده.
د لوبې پچه د مس عینک اتلانو وګټه او لومړی یې توپ وهنه وکړه.
د مس عینک اتلانو لوبډلې کې توپوهونکي نور علي ځدران او رحمن الله ګربز د شپږیزې په تاریخ کې دویم لوی هدف یعنې د ۱۳۴ منډو اوږده ملګرتیا وساتله.
یادې لوبډلې په شلو اورونو کې د ۴ لوبغاړو په سوځېدو ۱۹۲ منډې وکړې.
تر ټولو ډېرې منډې (۷۷ منډې) نور علي ځدران وکړې.
د ۱۹۳ هدف پوره کولو لپاره د بند امیر لوبغاړي په دویمې پاڼۍ کې میدان ته شول. خو په شلو اورونو کې یې د شپږو لوبغاړو په سوځېدو د ۱۸۳ منډې وکړې او لوبه یې بایلوده.
د لوبې د غوره لوبغاړي جایزه نور علي ځدران خپله کړه.
اوس مهال د کابل د کرکټ نړیوال لوبغالي کې د نن ورځې دویمه لوبه د کابل بازانو او د سپین غر بازانو لوبډلو تر منځ روانه ده.
په دې اړه نور معلومات لږ وروسته.