د کرېکټ نړیوال جام د لوبو مهالوېش اعلان شو
د کرېکټ نړیوالې شورا د ۲۰۱۹ کال د نړیوال جام سیالیو د لوبو مهالوېش اعلان کړ.
دا لوبې به د راتلونکي کال د مې میاشتې پر دېرشمه نېټه پیلېږي. په لومړۍ لوبه کې به کوربه هېواد انګلستان له سویلي افریقا سره مخامخ کېږي.
افغانستان به په دې سیالیو کې خپله لومړنۍ لوبه د جون میاشتې پر لومړۍ نېټه د اسټرالیا پر ضد په برېسټل ښار کې ترسره کوي.
په دې سیالیو کې شریکې لس لوبډلې به ټولې د یو بل پر ضد لوبېږي. دا په دې مانا ده چې افغانستان به هم لږ تر لږه ۹ لوبې کوي.
په نورو مهمو لوبو کې هند او پاکستان ترمنځ لوبه د جون د میاشتې پر ۱۶مه نېټه په مانچسټر ښار کې ترسره کېږي.
په نړیوال جام کې د افغانستان د لوبو مهالوېش په لاندې ډول دی.
۱جون - د اسټرالیا پر ضد برېسټل ښار کې
۴ جون - د سريلانکا پر ضد کارډېف ښار کې
۸ جون - د نوي زیلاند پر ضد په ټاونټن ښار کې
۱۵ جون - د سویلي افریقا پر ضد په کارډېف ښار کې
۱۸ جون - د انګلستان پر ضد په مانچسټر ښار کې
۲۲ جون - د هند پر ضد په ساوت همپټن ښار کې
۲۴ جون - د بنګله دېش پر ضد په ساوت همپټن ښار کې
۲۹ جون - د پاکستان پر ضد په لیډز ښار کې
۴ جولای - د وېسټ انډيز پر ضد به لیډز ښار کې
- غني: کرېکټ لوبغاړي بهر کې د افغانستان ریښتوني استازي دي
- افغان کرېکټ بورډ ۴۳ لوبغاړي هند ته د روزنې لپاره لېږي
- "افغان کرېکټ لوبغاړي باید کورنۍ هېواد ته ستنې کړي"
د ۲۰۱۹ کال د کرکټ نړیوال جام دا لوبې به د انګلستان او وېلز په ۱۱ بېلابېلو ښارونو کې کېږي.
پایلوبه به د جولای میاشتې په ۱۴مه نېټه د لندن په لارډز لوبغاړي کې کېږي.
دا به پنځه ځل وي چې د لارډز لوبغالی د نړیوال جام د پایلوبې کوربه توب کوي.