د اسامه بن لادن د کور پر سر پاکستان کې لانجه راپورته شوې

د پاکستان ایبټ اباد ښارګوټي کې له هغه ځایه یو دیوال تاو کړل شوی، چې د القاعده پخوانی مشر اسامه بن لادن په کې اوسېد او وروسته په کې ووژل شو. ځايي چارواکي غواړي په دغه ځای کې د ماشومانو لپاره یو پارک جوړ کړي، خو پوځیان غواړي دغه ځای هدېرې ته ځانګړی کړي.

فرانسه وايي له عراقي ځواکونو سره پوځي مرستې ډېروي

د فرانسې ولسمشر فرانسوا اولاند وايي، د هغې ډلې پر ضد، چې ځان اسلامي دولت بولي، له عراقي ځواکونو سره مرسته ډېروي. ښاغلی اولاند وايي راتلونکو څو ورځو کې به عراقي پوځ ته درانه توپونه ورکړل شي او سیمې ته به سپتمبر میاشت کې د فرانسې بېړۍ هم ورسیږي.

ډونالډ ټرمپ د امریکا 'خوندي' کولو ژمنه وکړه

د جمهوریت غوښتونکي ګوند له لوري د امریکا ولسمشرۍ ته د نوماندۍ منلو پر مهال اوهایو ایالت کې ډونالډ ټرمپ ویلي، د هغو څو اړخیزو ګواښونو مخه به ونیسي، چې په خبره یې امریکا ورسره مخامخ ده.

خوستوال له حکومته د ژمنو عملي کول غواړي

خوست کې نن د یوې لویې غونډې پرمهال د دغه ولایت زرګونو اوسېدونکو د ملي یووالي پر حکومت نیوکې وکړې، چې ګواکې د کمپاین پرمهال یې پر کړیو ژمنو عمل نه دی کړی.

د هند پوځي الوتکه ورکه شوې

د هند هوايي ځواک بي بي سي ته ویلي، یوه هندۍ پوځي الوتکه، چې تر ۲۰ ډېر کسان پکې سپاره وو، ترۍ تم شوې ده. الوتکه کې سپاره کسان د ملاکا هندي پوځي اډې ته لېږدول کېدل.

د نیویارک پولیس افغان پولیس 'اتل' بللی

د نیویارک پولیسو خپل دوه افسران د 'زړورتوب' له کبله ستایلي او 'اتلان' یې بللي. حمید ارماني افغان نژاد دی له خپل ملګري افسر پېټر سایبولسکي سره یو ځای د ټایمز سکوېر له ګڼې ګوڼې ډکې سیمې نه هغه غوټه لرې کړه، چې ګومان کېده بم پکې ځای پر ځای شوی.

د میامي پولیسو یو تورپوستی ډاکټر ویشتلی

یو تورپوستی امریکايي رواني ډاکټر چې په فلوریډا ایالت کې پولیسو ویشتلی و، وايي، لاسونه مې پورته نیولي و، په ځمکه مې پروت کړی و او پولیسو ته مې وویل، چې بې وسلې یم، خو بیا یې هم وویشتلم.

د فیسبوک بریتانیا جوړې لمریزې الوتکې

فیسبوک اعلان کړی چې د "اکوېلا" په نامه نوې جوړې شوې لمريزې الوتکې یې په بریالیتوب سره لومړی الوت ترسره کړی دی. پتېل شوې چې دغه الوتکه به انټرنېټي څپې خپرې کړي چې ورسره به په انټرنېټ نه لرونکو سیمو کې هم فیسبوک کارونه شونې شي.

اروپايي ټولنه: له کودتاچیانو سره د ترکیې رویه 'د منلو وړ نه ده'

اروپايي ټولنې ویلي، ترکیه کې ناکامې کودتا وروسته، له تعلیمي او قضايي ارګانونو او رسنیو سره د چارواکوا رویه "د منلو وړ نه ده". د ناکامې کودتا له ورځې راهیسې په تېره یوه اونۍ کې زرګونه کسان نیول شوي، ایستل شوي او یا یې دندې ځنډول شوې دي.

افغان کډوال: پاکستاني پولیس ثبت او ناثبت کډوال نیسي

د پاکستان حکومت په دې هېواد کې د کډوالو د اوسېدو موده شپږ میاشتې نوره غځولې، خو لاهم هلته کډوال له ګڼو ستونزو سره لاس او ګرېوان دي. دوی وايي په دې لږ غځول شوې موده کې دوی نوی کاروبار نه شي پیلولی.

د خوشال خټک غږيز کتاب - شپاړسمه برخه

د خوشال خټک شعرونه، د پښتو د دې ستر شاعر شعرونه په لومړي ځل په غږيزه بڼه خپرېږي. دا پروگرام هره جمعه د افغانستان په وخت د شپې په ١٠ بجو له بي بي سي پښتو راډيو خوريږي.

افغانستان ای اېم ایف سره د اقتصادي اصلاحاتو پر درې کلن پروګرام هوکړه کړې

د افغانستان مالیې وزارت وايي، د پېسو له نړیوال صندوق سره د اقتصادي اصلاحاتو درې کلن پروګرام په اړه هوکړې ته رسېدلي دي. د دغې هوکړې له مخې افغان حکومت د پېسو له نړیوال صندوق نه ۴۵ میلیونه ډالره تر لاسه کړي دي.

پاکستان کې د افغان کډوالو حال

پاکستان کې مېشت افغان کډوال وايي امنيت، مځکه او روغتيا هغه څه دي چې د نشتوالي له امله يې دوى افغانستان ته نه شي تللى. پرون په اسلام اباد کې د ملگرو ملتونو، افغانستان او پاکستان استازو له افغان کډوالو سره د بېرته ستنېدا پر لارو چارو خبرې وکړي.

څوک چاغ دی؟

چاغوالی يوه عامه او نړيواله ناروغي بلل کېږي. هغه څوک چې له خپلې ونې يا قد سره مناسب وزن و نه لري هغه چاغ دی، چاغوالی څنګه معلوم کړو په دې ويډيو کې يې موندلی شو . د مخنيوي لار يې غذاي رژيم سمول او منظم سپورت دی.

برازیل: د اولمپیک لوبو پر مهال د 'ترهګري دسیسې' په تور ۱۰ کسان نیول شوي

برازیل کې پولیسو ۱۰ کسان نیولي، چې وايي د اولمپیک لوبو پر مهال یې د ترهرګرۍ لپاره پلان چمتو کاوه. چارواکي وايي دغه کسان د اسلامي دولت نومي ډلې غړي نه دي، خو په خبره یې له دغې ډلې سره یې د اړیکو موندلو هڅه کړې.