افغان ټاکنې: له بایو مټرېک پرته رایو په اړه هوکړه وشوه

له دې مخکې د ټاکنیزو شکایتونو کمیسیون له بایو مټرېک پرته اچول شوې رای باطلې اعلان کړې وې، خو دغه پرېکړه یې د ټاکنو کمیسیون له کلک مخالفت سره مخامخ شوه. د ټاکنیزو شکایتونو کمېسیون منشي او ویاند علي رضا روحاني غونډه کې د دغه کمیسیون د پخوانۍ پرېکړې برعکس له بایو مټرېک پرته اچول شوې رای په مشروط ډول د اعتبار وړ اعلان کړې.

افغان ښځې ولې ځانوژنې ته مخه کوي؟

د افغانستان په مرکزي ولایت ډایکنډي کې سږکال د ښځو د ځان وژنې ۳۴۷ هڅو د بشري حقونو بنسټونه اندېښمن کړي. د سړو ترمنځ د اعتیاد، بېوزلۍ او بېکارۍ لوړې کچې له ښځو سره د تاوتریخوالي ډېرېدو لاملونه دي.

یوناما: د ولسمشرۍ ټاکنو نېټه دې اعلان شي

کابل کې د ملګرو ملتونو دفتر یا یوناما د افغانستان د ټاکنو له کمیسیون نه غوښتي چې د راتلونکو ولسمشریزو ټاکنو مهالویش اعلان کړي. په پام کې ده افغانستان کې ولسمشریزې ټاکنې د راتلونکي کال په پسرلي کې ترسره شي. د ټاکنو کمیسیون ویلي چې د ولسمشریزو ټاکنو پرمهالویش کار روان دی.

اندونیزیا: د ۱۸۹ مساپرو الوتکه سمندر کې لوېدلې

له اندونیزیا څخه رپوټونه وایي، د لاین ایر شرکت اړوند بوینګ ۷۳۷ په نوم یوه مسافر وړونکې الوتکه جاکارتا ته نژدې سمندر کې لوېدلې ده. الوتکه کې ۱۸۹ کسان سپاره وو، او داسې اټکل کېږي چې ټول کسان وژل شوي دي. ژغورونکو د ځینو کسانو کالي او بوټان هم موندلي دي.

د ټاکنیز کمیسیون پر کارکوونکو ځانمرګی برید شوی

د کابل امنیتي چارواکي وايي، د دوشنبې په ګهیځ د ټاکنو خپلواک کمېسیون پر لېږدوونکي ګاډي ځانمرګي برید لږترلږه یو کس وژلی او د دوو ښځو په ګډون اته نور کسان ټپیان دي. د برید مسؤولیت تر اوسه چا نه دی منلی.

پښتون ژغورنې غورځنګ بنو کې جلسه وکړه

پښتون ژغورنې غورځنګ تر دوو نیمو میاشتو ځنډ وروسته نن (یکشنبه، اکتوبر ۲۸مه) په بنو ښارګوټي کې ولسي غونډه وکړه. له سیمې نه ترلاسه شوي رپوټونه او انځورونه ښیي چې د ښځو په ګډون زرګونو کسانو د یکشنبې ورځې په دې جلسه کې ګډون کړی.

امریکا کې د یهودانو پر کلیسا برید ۱۱ کسان وژلي

د امریکا پنسلوانیا ایالت د پیټزبورګ ښار په شاوخوا کې د یهودانو یوه کلیسا کې ډزې شوې،‌ چې لږترلږه ۱۱ کسان پکې وژل شوي. بریدګر چې ۴۶ کلن رابرټ باویرز نومېږي نیول شوی. ولسمشر ټرمپ د برید ځای ته تللی دی.

د غني سفر؛ لښکرګاه کې د توغندي برید شوی

د افغانستان سوېلي هلمند ولایت مرکز لښکرګاه ته نن ګهیځ د ولسمشر غني تر رسېدا وروسته بُست هوټل ته نژدې یو هاوان لګېدلی دی، چې د چارواکو په وینا، مرګ ژوبله نه لري. د امنیه قومندانۍ یوې سرچینې د نوم نه ښودلو په شرط بي بي سي ته د توغندي لګېدل تایید کړي، چې په وینا یې کومه مرګ ژوبله یې نه درلوده.

''د اسراييلو الوتکه پاکستان ته نه ده راغلې''

پر خواله رسنیو پاکستان ته د یوې اسراییلۍ الوتکې د سفر په اړه ناندریز بحثونه کېږي او پوښتنې کېږي، چې دغه الوتکه کې چا او ولې پاکستان ته سفر کړی.

میدان وردګو کې موټربم برید مرګ ژوبله اړولې

د میدان ورګو ولایت امنیتي چارواکي وايي،ددې ولایت د پولیسو لومړۍ حوزې اړوند حمایوي مرکز کې موټر بم چاودنې لږ ترلږه ۵ کسان وژلي او ۱۲ نور ټپیان شوي دي. په وژل شویو کې دوه نظامي او درې ملکي کسان شامل دي.

فیسبوک له ایرانه نور جعلي اکونټونه موندلي

د خواله رسنیو فیسبوک شبکې ویلي، یوشمېر داسې پاڼې یې حذف کړې دي چې 'جعلي خبرونه یې خپرول'. فیسبوک زیاتوي، دغه پاڼې د ایران اړوندې دي، خو لا مالومه نه ده چې د ایران حکومت یې تر شا و او که نه.

کندهار ټاکنې: چارواکي تمه کوي، نیمګړتیاوې به نه تکرایږي

کندهار کې د ټاکنو خپلواک کمېسیون چارواکي وايي، د ټاکنو لپاره دوی چمتوالی بشپړ شوی دی او تمه ښيي دلته به هغه تېروتنې او نیمګړتیاوې تکرار نه شي، چې ۳۲ ولایتونو کې د تلې میاشتې اته ویشتمې ټاکنو کې وشوې. بل لور ته کندهار کې د ټاکنیزو شکایتونو کمېسیون بیا د ټاکنو کمېسیون پر چمتوالي اندېښنه ښيي.

د افغان سفیر بکس؛ یوه اونۍ کې دوه ځلې ورک شوی

پاکستان کې افغان سفیر او د ولسمشر غني ځانګړي استازي حضرت عمر زاخېلوال پر خپل ټویټر لیکلي، په یوه اونۍ کې یې د کابل - اسلام اباد ترمنځ الوتنه کې بکس ورک شوی او هرځل لندن کې موندل شوی.

د سفر تر بندیز وروسته د خاشقجي مشر زوی واشنګټن ته رسېدلی

د امریکا د بهرنیو چارو د وزیر په غوښتنه، د وژل شوي سعودي خبریال جمال خاشقجي مشر زوی صلاح خاشقجي واشنګټن ته رسېدلی او ولسمشر ټرمپ ترکیې ته د خاشقجي د قتل قضیه کې د سي ای اې د مشرې د سفر په تړاو څېړنې ارزوي.

فوټبال: توپان هریرود د غوره لیګ پایلوبه وګټله

پایلوبه کې د مرکز زون لوبډلې شاهین آسمايي او د لوېدیځ زون لوبډلې طوفان هریرود سره مخامخ شوې چې د لوبې یوازینی ګول د توپان هریرود لوبډلې وکړ.