اسیا کپ ۲۰۱۸: افغانستان خپله لوبډله اعلان کړه

د افغانستان کرېکټ بورډ ادارې د ۲۰۱۸ اسیايي کپ ټورنمنټ له پاره خپله لوبډله اعلان کړه. د ۲۰۱۸ اسیا کپ سیالي د سپټمبر په ۱۵ مه په دوبۍ کې پیلېږي چې د همدې میاشتې تر ۲۸مې به دوام وکړي.

امریکا پر پاکستان ۳۰۰ میلیون ډالر مرسته وځنډوله

د امریکا د دفاع وزارت یا پنټاګون اعلان کړی چې له پاکستان سره کوونکې ۳۰۰ میلیون ډالر مرسته یې ځنډولې او دغه پیسې به په کوم بل مناست ځای کې چې "اړتیا ډېره وي" ولګوي. د امریکا د دې پرېکړې لامل په ترهګرو ډلو سره د پاکستان له مبارزې د واشنګټن ناخوښي ښودل شوې ده.

ټاکنو کمېسیون: د پنځه میلیونو کسانو نومونه ډېټابېس ته رسېدلي

د افغانستان د ټاکنو خپلواک کمېسیون وايي، تر پنځو میلیونو ‌ډېرو رایه ورکوونکو نومونه یې سستم یا ډېټابېس ته اچولي دي. دوی وايي، دغه چاره به د روانې میاشتې تر پایه بشپړه شي. بلخوا د یو شمېر سیاسي ګوندونو اېتلاف وايي داسې ثبوتونه یې تر لاسه کړي چې ښیي د نهو میلیونو کسانو نوم لیکنه کره او رښتینې نه ده.

'هالنډ اورګاډي تم ځای کې پر سیلانیانو برید کونکی افغان دی'

هغه دوه کسان چې د جمعې پر ورځ د امسټردام رېل ګاډي مرکزي اسټېشن کې پرې د چاکو ګوزارونه شوي، امریکايان دي. بریدګر د پېښې په ځای کې د پولیسو په ډزو ټپي شوی و، چې وروسته معلومه شوه افغان دی.

ننګرهار کې پاکستان خپله کونسلګري وتړله

پاکستان د افغانستان ختیځ ښار جلال اباد کې خپله کونسلګرۍ د هغه څه په اعتراض کې بنده کړې چې ددې استازۍ په چارو کې د ننګرهار د والي لاسوهنه بولي. خو ننګرهار والي وايي، کونسلګرۍ ژمنه کړې وه چې دوی غواړي د وېزې پروسه شرکتونو ته ورکړي، چې دا کار یې لا تر اوسه نه دی کړی.

ټاکنو کمېسیون د ولسوالیو شوراګانو ټاکنو د ځنډولو غوښتنه کړې

د افغانستان ټاکنو خپلواک کمېسیون رسماً ویلي، کېدای شي، د ولسوالیو شوراګانو ټاکنې د ولسي جرګې له راتلونکو ټاکنو سره یو ځای چې د تلې میاشتې پر ٢٨ مه کېږي و نه شي. دغه کمیسیون له حکومته غوښتي چې د ولسوالیو شوراګانو ټاکنې د څلورو میاشتو لپاره وځنډوي.

"برتانیا د افغان هوایي ځواک د وړتیا زیاتولو ژمنه وکړه"

د افغانستان د ملي امنیت شورا دفتر وايي، برتانیا د افغان ځواکونو په تېره هوايي پوځ د وړتیا لوړولو هڅه کوي. ملي امنیت شورا د ګوین ویلیامسن له خولې وايي، د برتانیا په کوڅو او سړکونو کې هغه مهال پوره امن احساسېدلی شي، چې د افغانستان کوڅې او سړکونه امن شي

ټرمپ له سوداګرۍ نړیوال سازمان د امریکا د اېستلو ګواښ وکړ

د امریکا ولسمشر ډونلډ ټرمپ ګواښ کړی که د سوداګرۍ نړیوال سازمان د متحده ایالتونو په مقابل کې خپل چلند بدل نه کړي دغه هيواد به ترې وباسي. هغه له بلومبرګ نیوز سره مرکه کې ویلي " که دوی نه سمېږي، زه به امریکا د سوداګرۍ له نړیوال سازمان وباسم."

'پاکستان کې د جبري بې درکۍ پېښې ډېرې شوي'

د منظور پښتون په مشرۍ پښتون تحفظ غورځنګ وايي، اته زره پښتانه تري تم دي. د تري تم شویو بلوڅانو په نامه یو تنظیم بیا ادعا کوي، چې ۲۰ زره بلوڅان تري تم شوي او 'د بې درکه سندیانو غږ' نومي تنظیم د اټکل له مخې له ۲۰۰۱ کال راهیسې ۵۰ سندیان ورک شوي دي.

کمیسیون: د رڼو ټاکنو لپاره له هرې وسیلې کار اخلو

د افغانستان د وګړ ثبتونې اداره وايي دوی د غوايي یا ثور له میاشتې تر اوسه تر څلور میلیونو ډېرې تذکرې ویشلې دي، چې زیاته برخه یې ټاکنو ته د نوم لیکنې لپاره اخیستل شوې دي. خو ټولمې پېژندپاڼې د ټاکنو کمیسیون سیستم ته نه دي ور اچول شوي، او ورسره د درغلیو په اړه ندېښنې را پورته شوي.

چین: افغانستان کې پوځي اډه نه جوړوو

د چين دفاع وزارت هغه رپوټونه بې بنسټه بللي چې وايي دغه هېواد غواړي په افغانستان کې يوه پوځي اډه جوړه کړي. د چين د فاع وزارت وياند وو کيان يوې خبرې ناستې ته وويل چين او افغانستان په امنيتي برخه کې د همکارۍ عادي اړيکي لري.

میانمار د ملګرو ملتونو د 'ټول وژنې' تور رد کړ

میانمار د ملګرو ملتونو هغه رپوټ رد کړی، چې د روهېنګیا مسلمان لږکۍ توکمیزې ټول وژنې وژنې لړ کې د دغه هېواد لوړپوړو پوځي چارواکو خلاف د پوښتنو ګروېږنو غوښتنه پکې شوې. رپوټ کې دغه راز غوښتنه شوې وه، چې قضیه باید د جرمونو نړیوالې محکمې ته ولېږدول شي.

جلال اباد: امنیتي ځواکونو چاپه کې وسلې او کسان نیولي

د ننګرهار ځايي چارواکي وايي، ګډو ځواکونو په جلال اباد ښار کې "د افغانستان د جهاد او مقاومت د ارزښتونو د ساتنې بهیر" پر دفتر عملیات ترسره کړي چې یو شمېر وسلې او ماینونه په لاس ورغلي دي. د یاد بهیر مسوولان وايي، دغه دفتر د دوی نه دی.

جېمز مټیس خصوصي ځواکونو ته د افغان جګړې سپارل ردوي

د امريکا دفاع وزير جيمز مټيس د افغان جگړې خصوصي کول ناعاقلانه چاره وبلله او له افغانستان د امريکايي ځواکونو د ايستلو او د هغوى پر ځاى د خصوصي ځواکونو ديره کولو وړانديز یې رد کړ.

'افغانستان کې هدفي وژنې ۳۵ سلنه ډېرې شوي'

ملګري ملتونه وايي، افغانستان کې د تېر کال همدې مودې پرتله د هدفي وژنو شمېر ۳۵ سلنه ډېر شوی دی. بل لور ته د افغانستان د کورنیو چارو وزارت وايي، د روان لمریز کال په تېرو پنځو میاشتو کې د هدفي وژنو شمېر ۱۰۱ پېښو ته رسېږي.