د ولسي جرګې غړو په تخار کې د راستنو شو کډوالو کلابندي یو ناورین وباله
06.09.2008 19:09
نن په ولسي جرګه کې د بحث سکالو په تخار کې د بلوچستان څخه راستنه شوي کډوال و چې خپلو ځمکو ته د سیمه ییزو چارواکو او ټوپکسالارانو لخوا نه پرېښودل کیږي. د ولسي جرګې ځینې غړو د راستانه شوو کډوالو مشکل په هیواد کې یو ناورین وباله.
د ولسي جرګي غړې ملالۍ شینواري د سیمه ییزو چارواکو او جنګي ټوپکسالارانو دغه عملونه تکراري وبلل او د قاضي کبیر په اړه يي وویل چي نه غواړي په سیمه کې کراري راشي او ویې ویل چې نوموړی په سیمه کې ځانته پښتنو ته نه بلکې ټولو قومونو ته د لانجو جوړولو اساسي لامل دی.
په دې اړه د ولسي جرګې مشر محمد یونس قانوني د دفاع وزیر فاروق وردګ سره تلیفوني تماس ونیولو او هغه ورته وویل (( اوس په هغه سیمه کې ملي اوردو او د ایساف ځواکونه ځای پر ځای شوي دي)) .
دا مهال د تخار په خواجه بهاوالدین کې نوي کورنۍ چې له مهاجرته خپل ټاټوبي ته راستنې شوي په سیمه ییز زندان کې د سیمه ییزو جنګسالارانو، چارواکو او زورزیاتي کونکو له خوا بندیان دي. څو اونۍ وشوې چې دا کورنۍمحاصره دي، خوراک او اوبه نه ورپرېښودل کېږي .
د تخار د ناورین په اړه نور معلومات دلته ولولئ: http://www.pashtana.net/
بندي ماشومان چې زورواکو وهلي ټکولي دي.
د ماشومانو ګناه دا ده چې پلرونو یې د هېواد څخه د دفاع دپاره مهاجر شوي، چې اوس د روسانو ملګرو ځايي جنګسالارانو یې په حقوقو خېټه اچولې او د کمونیستي رژیم د وخت زندان کې یې بندیان کړي دي.
ټپي ماشومان د درملنې حق هم نه لري.
خبرتياوې او بېلابېل
