tolafghan.com
ټول افغان لومړي مخ ته

 ډېرځليزې پوښتنېډېرځليزې پوښتنې   لټونهلټونه   د غړو لستد غړو لست    کاروونکو ډله  کاروونکو ډله    د نوم ثبتولد نوم ثبتول 
 د پېژندنې څېرهد پېژندنې څېره    خپل شخصي پېغامونه وګورئ خپل شخصي پېغامونه وګورئ   ننوتنهننوتنه 

افغان دولت او طالبانو ته څه پکار دي؟

 
نوې موضوع پېل کړئ   موضوع ته ځواب ورکړئ    tolafghan.com دفورم سر ته   -> سياست او روانې چارې
شاته موضوع وګورئ :: مخکې موضوع وګورئ  
ليکوال پيغام
طالب ISI
ستوري
ستوري


دغړيتوب نېټه: 03 اکتوبر   2009
ليکنې: 535
ځای: France

ليکنهد ليکنې نېټه  : ٥   شنبه   اکتوبر   25, 2012 8:46 am    عنوان   : افغان دولت او طالبانو ته څه پکار دي؟ Reply with quote

په اوس وقت کې داسې ښکاري چې امریکا، انګلستان، هندوستان او پاکستان پدې موافقه کړي وي چې پاکستان به نور په کشمیر کې ګوتې نه وهي. آزاد کشمیر به د پاکستان سره وي، د هند کشمیر به له هندیانو سره وي.

مقابل کې به د ډیورند کرښه به په رسمیت پیژندل کیږي. او پاکستان به نور په افغانستان کې ناټو ته سرخوږی نه جوړوي. له دې معاملې داسې ښکاري چې طالبانو هیڅ واک نه لري ، هر څه چې پاکستان وایې همغه باید قبول کړي.

په واقعیت کې په کشمیر کې چندان څه شته هم نه، یو خو وړوکې ساحه ده، بل پاکستان ته مشکله ده چې هند ته هلته ماتې ورکړي. اوس کشمیریان هم چندان د پاکستان کیسه کې نه دي.
نو پاکستان ولې لویه لمړی ونه کړي . افغانستان څخه به اوبه ورته راځي، چې د پنجاب ځمکې اوبه کړي، بندونه یې بریښنان تولید کړي، د سوند توکي، د تعمیراتو کاڼي، هر څه لنډ افغانستان کې شته، چې چین او امریکا له لرې ورته لیواله دي، نو پاکستان یې ولې ونه خوري؟ چې په خوا کې یې پروت دی. په ۲۰۵۰ عیسوي کال کې به ۳۵۰ میلویونه نفوس په څه باندې چلوي؟

پاکستان دوه پلانونه لري یو دا چې ډیورند رسمي شي او دوی ډاډه شي دا خو به اوله لمړی وي له افغانستان څخه. دویم قدم کې به د ترانزیت د مشکلاتو، افغانستان کې د اقلیتو سره د مرستې له لاري، د طالب په وسیله د د پښتنو د بې تعلیمي کولو له لاري به ورور افغانستان هم قبضه کړي. که انګلستان په ۱۱۹ کلونو کې ډیورند څخه اخوا پښتانه له افغانستان څخه بیل ساتلي ، پاکستان به په دوه سوو کالو کې افغانستان خپله خاوره ونه ګرځوي؟

نن ورځ ټول طالبان هم د پنجاب غلامان نه دي، که ټول داسې وی نو د پنجاب په زندانو کې به یې ساه نه ورکوله او هلته به نه خښیدل.

نو هغه طالب چې د پنجاب له پاره کار نه کوي، د حزب اسلامي کسان او د کرزي حکومت باید په ګډه ددغه نړیوال دام په مقابل کې په یوه دریځ سره راټول شي.

نن ورځ په پاکستان کې میشت پښتانه محکوم دي. هغوی د هیڅ واک نه لري، حتا د یوه پښتو تلویزیون د اجازه نامې اخیستو حق نه لري. خپله بریښنا تولیدوي خو خپل کورونه یې تیاره دي. پنجاب د بریښنا پیسې هم نه ورکوي. خو خپل اوړه او ټوکر ښه په ګرانه بیرته په پښتنو خرڅوي. په پښتو د تعلیم او ژبې حق یې اوس لږ، لږ ورکړی دی.

پنجاب غواړي د افغانستان پښتانه هم داسې کړي. نو لر او بر پښتنو باید د پنجاب او نړیوالو ددغه دسیسي مقابل کې را ویش شي.

نن غربي اروپا د میلیاردو ډالرو په ورکولو سره غواړي د جنوبي اوروپا هیوادونه وژغوري تر څو له اروپا څخه ونه وځي. ځکه دوی فکر کوي چې راتلونکې او اوس وقت کې په وړو او کوچونیو هیوادو باندې په نړیوال ډګر کې نه شي کولای خپلې ګټي خوندي کړي، باید لوی بلاکونه موجود وي. دغه خبري ما د جرمني د بهرنیو چارو له وزیر څخه وارویدي.
دوی ویل نن چین، هند، روسیه، برازیل، امریکا، جنوبي امریکا غوندې لوی هیوادونه یا بلاکونه موجود دي، نو ټوټه ، ټوټه اروپا نه شي کولای ددوی ځواب ووایي.

نو پښتنو چې ټوټه ، ټوټه شي څنګه به وکولای شي د ایراني، پنجابي، تاجکستاني، ازبک، هندي، چینایې، امریکایي... مقابل کې په اقتصادي ، تعلیمي او نظامي میدان کې ودریږي؟

یو ځل د لرو پښتنو سره ظلم شوي چې بدون ددوی له مشوري عبدرحمن خان دوی انګریزانو ته ورخوشي کړل، بیا باید دغه ظلم تکرار نه کړو.

یابه یو کیږو یا به ورک کیږو.
بېرته سر ته
د کارونکي عکس وښاياست شخصي پېغام وليږئ Yahoo Messenger
مخکيني ليکنی وښاياست:   
نوې موضوع پېل کړئ   موضوع ته ځواب ورکړئ    tolafghan.com دفورم سر ته   -> سياست او روانې چارې    ټول وختونه GMT دي
پاڼه   1  ټولې پاڼې  1

ورټوپ کړه:  

تاسو په دې څانګه  کې ليکنې نشئ کولی
تاسو د دې څانګې ليکنو ته ځواب نشئ ليکلی
تاسو په دې څانګه کې خپلو ليکنو ته بدلون نشئ ورکولی
تاسو له دې څانګې څخه خپلې ليکنې ړنګولی نه شئ
تاسو د دې څانګې په ټولپوښتنه کې برخه نشئ اخستلی


Powered by phpBB © 2001 phpBB Group

Chronicles phpBB2 theme by Jakob Persson (http://www.eddingschronicles.com). Stone textures by Patty Herford.