tolafghan.com
ټول افغان لومړي مخ ته

 ډېرځليزې پوښتنېډېرځليزې پوښتنې   لټونهلټونه   د غړو لستد غړو لست    کاروونکو ډله  کاروونکو ډله    د نوم ثبتولد نوم ثبتول 
 د پېژندنې څېرهد پېژندنې څېره    خپل شخصي پېغامونه وګورئ خپل شخصي پېغامونه وګورئ   ننوتنهننوتنه 

ایا کمپیوټر ته په ځمکه کیناستل رښتیا دملا د درد سبب ګرځي ؟

 
نوې موضوع پېل کړئ   موضوع ته ځواب ورکړئ    tolafghan.com دفورم سر ته   -> طبیعي علوم او ریاضیات
شاته موضوع وګورئ :: مخکې موضوع وګورئ  
ليکوال پيغام
نوروز خان
ستوري
ستوري


دغړيتوب نېټه: 24 ميئ   2010
ليکنې: 311

ليکنهد ليکنې نېټه  : ٣   شنبه   مارچ   15, 2011 6:12 pm    عنوان   : ایا کمپیوټر ته په ځمکه کیناستل رښتیا دملا د درد سبب ګرځي ؟ Reply with quote

السلام علیکم ورحمة الله وبرکاته
زه عادتا چې په کمپیوتر لیکل کوم ، نوپه ځمکه ورته ناست یم ، او تراوسه مې میز او څوکۍ نه ده پیدا کړې ، څه موده وړاندې مې یوه ملګري وویرولم ، چې که ډیره موده په همدې عادت پاته شم ، نو دملا کوږوالی او درد به راته پیدا کړي ، چې بیا به یې علاج خورا سخت وي .
داخبره څومره پر ځای ده ،
دغه راز که کوم خیرمن دکمپیوتر دروغتیایي ضررونو او ترې دځان ساتلو په اړه خپل ورسره شته معلومات دلته شریک کړي ، غوره به وي
په مینه او مننه
بېرته سر ته
د کارونکي عکس وښاياست شخصي پېغام وليږئ
نوروز خان
ستوري
ستوري


دغړيتوب نېټه: 24 ميئ   2010
ليکنې: 311

ليکنهد ليکنې نېټه  : ٢   شنبه   اپريل   04, 2011 2:42 pm    عنوان   : Reply with quote

السلام علیکم
څوموده وړاندې دکمپیوتر په تیره دلیپټاپ کمپیوتر دطبي زیانونو او دمخنیوي دلاروچارو په اړه یې پوښتلي وه ، چې چا ځواب رانکړ، نن مې له نیکه مرغه دخپلې دې پوښتنې مفصل ځواب په تاند ویب پاڼه کې وموند چې دادی له تاسو یي هم نه سپموم .

دلیپټاپ دکارکوونکو لپاره مهم خبرداری ، لیکوال خیرالله خیال
د کمپيوټر استعمال د زياتو ګټو سره، سره يو لړ زيانونه هم لري . کمپيوټر ته د اوږدې ناستې او مانيټور ته د ځير کېدنې څخه د راپيدا کېدونکو ناروغيو د مخنيوي لپاره بايد وخت په وخت د ډاکټرانو خبرداريو ته پام وشي
د لپټاپ جوړښت او د کارونې ډول ددې لامل ګرځي چې زده کوونکي او نور مسلکي کاروونکي د هغه د استعمال پر مهال يو نامناسب وضعيت غوره کړي.
د هلت دي نيوز د راپور له مخې د څېړونکو په وينا د لپټاپ د استعمال لپاره وضعيت پر عضلاتو د فشار ، د غاړې او اوږو د ضعيفۍ او د لاس د زيان سبب کېږي.
دشمالي کارولينا پوهنتون څېړونکي وايي : د کيبورډ څخه د مانيټور نه بېلوالى د جسمي عوارضو د بروز احتمال لا پسې زياتوي .
د ياد پوهنتون د طب پوهنځي يو ډاکټر (کوين کارنيرو) و ايي: د بدن او لاس د ګوتو نامناسب وضعيت د مړوند د عصبي ريښو د زيان سبب ګرځي . د لپټاپ څخه د استفادې پر مهال د غاړې او اوږو نامناسب وضعيت پر عضلاتو فشار راوړي او وينه پکې ډپ کيږي .
.څېړونکي وايي که په لېپټاپ باندې د کار پر مهال سړى له اندازې زيات ور کړوپ شي د سر دوزن د تحمل له امله د غاړې او اوږې پر عضلاتو ډېر فشار وارديږي ، نو د لپ ټاپ د کارولو پر مهال مو ملا نيغه وساتئ او په کيبورډ باندې د زيات ورکړوپيدو څخه ډه ډه وکړئ. ددې ټکي د را يادولو لپاره يو يادښت په يو کاغذ وليکئ او په سکرين يې و نښلوئ او په هر ځل ليدو يې د خپلې ناستې وضعيت کنترول کړئ.
په يو وار د ٤٥ دقيقو څخه ډېر په لپ ټاپ کار مه کوئ هر ٤٥ دقيقې بعد يو څو ګامه وګرځئ او د غاړې ، مټانو ،مړوند، لاس او پښو د عادي حرکاتو مانورې اجرا کړئ.
د سترګو او سکرين تر منځ واټن بايد د ٥٠ او ٦٠ سانتي مترو تر منځ وي کوښښ وکړئ چې سترګې مو د سکرين په پاسنۍ برخه داسې تنظيم شي چې د ملا تير مو هوار وي .که سکرين په يو مستقيم خط قرار ولري نو ستاسو سترګې به هوسا وي او د سترګو د ستړيا د مخنيوي له پاره په هرو ديرشو دقيقو کې يوه لېرې ځاى ته وګورئ.
د امکان تر حده هڅه وکړئ چې د کارونې پر مهال لپټاپ په خپلو پښو مه ږدئ او له د کورني کمپيوټر په څېر يې پر مېز کېږدئ او په چوکۍ ورته کېنئ د چوکۍ لوړوالى بايد د ٤١ څخه تر ٥١ سانتي مترو پورې وي او د امکان تر حده د تنظيم وړ وي . د چوکۍ جوړښت بايد دداسې يو جنس څخه وي چې په اصطلاح وکولى شي تنفس وکړي يانې هوا ورڅخه تېره شي او د خوله کېدو لامل نه شي .دچوکۍ د تکيه سور بايد د ٣٢ څخه تر ٣٦ سانتي مترو پورې او لوړوالى يې لږ تر لږه د ٩٠څخه تر ١١٠ سانتي مترو پورې وي . د چوکۍ تکيه بايد د مقعر قوس لرونکې وي چې د ملا کړوپوالى په اسانۍ پکې ځاى ونيسي. د لپټاپ کمپيوټر له پاره استعماليدونکې چوکۍ بايد لاستي ولري چې لوړوالى يې د کاري مېز سره برابر وي.
د لپټاپ کارونې پر مهال بل مهم کاري شرط تازه هوا ده د آير کنډيشن څخه استفاده پر کمپيوټر د کار پر مهال د ستړيا په مخنيوي کې اغېزمن رول لري . د کار لپاره د تودوخې مناسبه درجه د ١٩ څخه تر ٢٣ درجې د سانتي ګريډ پورې ده
د کار په ساحه کې پلاستيکي يا لرګين فرش د ساکن برق په مخنيوي کې مهم رول لري.
همدارنګه په کمپيوټر د کار پر مهال پام وکړئ چې مړوند مو کوږ نه وي او د کيبورډ ، موس، او نورو وسايلو څخه د کار اخستنې پر مهال مو مړوند بايد د مټ په امتداد وي چې د مړوند په ځنډنيو اختلاطاتو اخته نه شئ په ټوليزه توګه په کمپيوټر د کار پر مهال مټې او څنګلې هغه وخت هوسا وي چې بدن ته نږدې وي
http://taand.com/index.php?mod=article&cat=taand6&article=25814
بېرته سر ته
د کارونکي عکس وښاياست شخصي پېغام وليږئ
مخکيني ليکنی وښاياست:   
نوې موضوع پېل کړئ   موضوع ته ځواب ورکړئ    tolafghan.com دفورم سر ته   -> طبیعي علوم او ریاضیات    ټول وختونه GMT دي
پاڼه   1  ټولې پاڼې  1

ورټوپ کړه:  

تاسو په دې څانګه  کې ليکنې نشئ کولی
تاسو د دې څانګې ليکنو ته ځواب نشئ ليکلی
تاسو په دې څانګه کې خپلو ليکنو ته بدلون نشئ ورکولی
تاسو له دې څانګې څخه خپلې ليکنې ړنګولی نه شئ
تاسو د دې څانګې په ټولپوښتنه کې برخه نشئ اخستلی


Powered by phpBB © 2001 phpBB Group

Chronicles phpBB2 theme by Jakob Persson (http://www.eddingschronicles.com). Stone textures by Patty Herford.