د موضوعګانو سرپاڼه

د ساتنپال - ولسواکانو بحثونه

د مالیې له وزارته په لسګونو ملیون افغانۍ غلا شوي

pattang
05.11.2013

ستاسو د تبصرو په هيله !

http://www.taand.com

د مالیې له وزارته په لسګونو ملیون افغانۍ غلا شوي

[img:988cfdbf48]http://www.taand.com/wp-content/uploads/2013/11/171.jpg[/img:988cfdbf48]

تاند- د لویې څارنوالۍ ویندوی نن /سې شنبه/ وویل چې د مالیې له وزارت څخه د درې سوه اته ویشت نیم ملیون افغانیو د غلا دسیسه ناکامه کړای شوې خو ۶۱ ملیون افغانۍ بې درکه شوي دي.

د لویې څارونوالۍ ویندوی بصیرعزیز د سې شنبې په ورځ تایید کړه چې په دې تړاو دوه شکمن کسان نیول شوي چې دواړه د مالیې وزارت مامورین دي.

راپورونه وايي چې د مالیې له وزارت څخه په بلخ کې یوه بانکي حساب ته ۳۲۸ اعشاریه ۵ ملیون افغانۍ په الیکترونیکي ډول لېږدول شوې وې. دا پیسې بېرته د مالیې وزارت ته استول شوي خو ۶۱ ملیون افغانۍ لا هم په دې منځ کې ورکې دي. دا پیسې په ۳۸ بانکي چکونو د بلخ له بانکونو څخه ایستل شوي دي.

ویل شوي چې په دې غلا کې د مالیې وزارت د بلخ ولایت مسوول چارواکی لاس لري خو دا کس د بلخ د والي عطا محمد نور په مداخله خوشي شوی او ازاد ګرځي.

د لویې څرانوالۍ سرچینې وايي چې په دې اړه څېړنې روانې دي.

ویل کېږي چې د افغانستان عدلي او قضايي اورګانونه د اختلاس د معاملو په وړاندې ډېر سست عمل کوي، تراوسه پوري یې د کابل بانک د لویې غلا اکثره عاملان په سزا نه دي رسولي او د دغه بانک پیسې یې ورڅخه نه دي ترلاسه کړي.

د کابل بانک تجربې او له غله څخه د بلخ د زورو والي ملاتړ ته په پام سره داسي ښکاري چې د دولت له خزانې ۶۱ ملیون افغانۍ د تل لپاره ووتلې.

د مالیې وزارت وايي چې د دوی د دیجټل سیستم له برکته غلا ژر څرګنده شوه.

د ولسي جرګې اقتصادي کمېټې له ولسمشر کرزي څخه غوښتي چې د دې غلا مسوول ته سزا ورکړي.

د ولسي جرګې د اقتصادي جرګې غړي احمد شاه رمضان وویل چې ولسمشر په تېرو ۱۲ کلونو کې غله هڅولي او یا یې د غلا جرات ورکړی دی خو دوی هیله لري چې د واک په دې وروستیو میاشتو کې غله ونیسي او سخته سزا ورکړي چې نورو ته درس شي.


OK
This site uses cookies. By continuing to browse the site, you are agreeing to our use of cookies. Find out more