د موضوعګانو سرپاڼه

هنر،‌ادب او پښتو نحوه

غزل !

مساپر
07.12.2011

يوڅوک دي ټوله شپه خداى تر سهاره يادوي
يو څوک يې دمنصور غوندې تر داره يادوي

يو څوک دې په سپين غر زړګي بمونه وروي
يو څوک دې په خوبو کې ننګرهاره يادوي

يو څوک له ما هم ډېر پر تا مئين دى او که څنګه ؟
يو څوک دې په هر ځاى کې راته ياره يادوي

يو (( څوک )) درباندې نوم دخپل معشوق ليکي ژور
يو څوک دې په شعرونو کې چيناره يادوي

يو څوک دجانان ، نيم ، نوم راته اخلي زوروي مې
يو څوک يې راته شونډو کې کراره يادوي

يوڅوک مې خوب ته نه پريږدي، داستوري په ما شميري
يو څوک دې راته هره شپه نګاره يادوي

يو څوک که دې نن سيورى په غونډارو باندې ولي
يو څوک به دې ضرور يو ورځې ( څاره ) يا دوي
لیکوال: محترم عبد الله څار


OK
This site uses cookies. By continuing to browse the site, you are agreeing to our use of cookies. Find out more