د لوی، مهربان او بخښونکي خدای په نامه

ټول افغان خبري څانګه

20.11.2010 11:09    |   ټول افغان خبري څانګه دلغمان والي:دچاودنو قربانيان ټول ملکي وګړي دي!

دلغمان والي محمداقبال عزيزي چې دا مهال دجرمني هيواد په ليدنه بوخت دې دلغمان په مرکز مهترلام کې يې دننيو چاودنو وروسته دتليفون له لارې ټول افغان ته وويل ددې چاودنو ټول قربانيان ولسي بې ګناه وګړي دي ده وويل په وژل شويو کې يوه وړه ماشومه انجلۍ يوه ميرمن او يو بوډا سړى شامل دي ده وويل نور ټول ټپيان ښځې او ماشومان دي چې دروغتون ته دبيلابيلو ناروغيو د درملنې په موخه راغلي و ده ددولت دمخالفينو دا کړنه په سختو ټکو کې وغندله ويې ويل دې پيښو سخت خواشنيې کړيدې دلغمان والي دغه راز وويل چې لغمان دافغانستان په ختيز کې پروت تر ټول امن او خوندي سيمه ده خو مخالفين غواړي چې ددې ډول پيښو په ترسره کولو سره يې ناارامه کړي ده پر مخالفينو غږ وکړ چې دبې ګناه ملکي وګړيو له مرګ ژوبلې دې لاس واخلي دده په وينا دمخالفينو دا کړنې دخلکو په زړونو کې کرکه اونفرت نور هم زياتوي محمداقبال عزيزي دلغمان پر خلکو هم غم وکړ چې خپل صبر او زغم له لاسه ورنکړي ياده دې وي چې دلغمان د نن ورځې چاودنو پړه ددولت مخالفې وسله والې ډلې طالبانو پر اړه اخيستې او دعوه يې کړې چې په دې چاودنو کې يې ملي پوليسو او دملي امنيت ادارې کارکوونکو ته مرګ ژوبله وراړولې ده دا په لغمان کې دملي امنيت ادارې دلومړي مرستيال ډاکتر عبدالله لغمان تر وژل کيدو وروسته دملکي وګړيو دمرګ ژوبلې تر ټولو ستره پيښه ده.

22.08.2009 18:50    |   ټول افغان خبري څانګه د تحريك طالبان پاكستان نوى امير حكيم الله مسعود وټاكل شو.

د برطانويې د يوې خبري سرچينې له قوله، د پاكستان د طالبانو ۴۲ كسيزې شورا حكيم الله مسعود د تحريك طالبان پاكستان د نوي مشر په توګه ټاكلى دى او د اعظم طارق په نوم يو بل كس يې د دې تحريك وياند ټاكلى دى.

12.08.2009 13:46    |   ټول افغان خبري څانګه د طالبانو د جهادي خوځښت سره تړلې او مرستياله ډله توره بوړه جهادي محاز وايي چې د دولت يو استخباراتي كارمند يې وژلى.

د طالبانو د جهادي خوځښت سره تړلې او مرستياله ډله، توره بوړه جهادي محاذ د چپرهار ولسوالۍ د دولتزو په سيمه كې د يو افغان په ډزو د وژلو دعوه كړې ده